சீயான் விக்ரம் மகன் துருவ், தெலுங்கில் சூப்பர் ஹிட் ஆன 'அர்ஜூன்ரெட்டி' படத்தின் ரீமேக்கில் அறிமுகமாகிறார் என்பதும் இந்த படத்தை தேசிய விருது பெற்ற இயக்குனர் பாலா இயக்கவுள்ளார் என்பதும் தெரிந்ததே. இந்த நிலையில் வர்மா' என்ற டைட்டில் வைக்கப்பட்டுள்ள இந்த படத்தின் படப்பிடிப்பு தொடங்கும் தேதி குறித்த தகவல் தற்போது வெளிவந்துள்ளது.

'வர்மா' படத்தின் படப்பிடிப்பு வரும் பிப்ரவரி இறுதியில் அல்லது மார்ச் தொடக்கத்தில் ஆரம்பமாகும் என தெரியவந்துள்ளது. மேலும் இந்த படத்தில் துருவ் ஜோடியாக நடிக்க நாயகியை இயக்குனர் பாலா தேடி வருவதாகவும், நாயகி முடிவு செய்த பின்னர் படப்பிடிப்பு தொடங்கும் என்றும் கூறப்படுகிறது.

மேலும் சமீபத்தில் வெளியான இந்த படத்தின் டைட்டிலுடன் கூடிய ஃபர்ஸ்ட்லுக் மிகப்பெரிய வரவேற்பை பெற்ற நிலையில் படப்பிடிப்பு தொடங்குவதற்கு முன்னர் இன்னொரு புதிய ஸ்டில்லை வெளியிட படக்குழுவினர் திட்டமிட்டுள்ளனர்.