பிக்பாஸ் அல்டிமேட் நிகழ்ச்சியை நேற்று முதல் சிம்பு தொகுத்து வழங்கிய நிலையில் நேற்றைய நிகழ்ச்சியில் பாலா தன்னுடைய படத்தில் நடித்ததாக கூறியதற்கு சிம்பு கூறிய பதில் காமெடியாகவும் கலக்கலாக இருந்ததாக ரசிகர்கள் தெரிவித்து வருகின்றனர் .

சிம்பு நேற்று பிக் பாஸ் அல்டிமேட் நிகழ்ச்சியை தொடங்கி வைத்த பிறகு ஒவ்வொரு போட்டியாளர்களையும் தனித்தனியாக சந்தித்து பேசினார். அந்த வகையில் பாலாவுடன் அவர் பேசியபோது ’நீங்கள் நடித்த படத்தில் நான் குழந்தை நட்சத்திரமாக நடித்து இருக்கிறேன்’ என பாலா கூறினார்.

இதை சிம்பு மட்டுமின்றி ரசிகர்களும் எதிர்பார்க்கவில்லை. சிம்பு நடித்த ’வல்லவன்’ படத்தில் இடம்பெற்ற ஒரு பாடலில் குழந்தை நட்சத்திரமாக பாலா குரூப் டான்சர்களில் ஒருவராக நடனமாடியதாக கூறினார்.

அப்போது சிம்பு ’என்னுடைய படத்தில் குழந்தை நட்சத்திரமாக நடித்தேன் என்று சொல்லி என்னுடைய வயது அதிகம் என்று நினைக்க வைத்து விடாதீர்கள்’ என சிம்பு கூறியது காமெடியாகவும் கலக்க வைப்பதாகவும் இருந்தது என ரசிகர்கள் தெரிவித்து வருகின்றனர்