கிறிஸ்துமஸ் நல்வாழ்த்துக்கள் கூறிய 'பக்ரீத்' படக்குழு
- IndiaGlitz, [Monday,December 24 2018]
உலகம் முழுவதும் நாளை கிறிஸ்துமஸ் திருவிழா சிறப்பாக கொண்டாடவிருக்கும் நிலையில் 'பக்ரீத்' படக்குழுவினர் அனைவருக்கும் கிறிஸ்துமஸ் நல்வாழ்த்துக்களை புதிய போஸ்டர் ஒன்றின் மூலம் தெரிவித்துள்ளனர்.
தமிழ் திரையுலகின் இளையதலைமுறை நடிகர்களில் ஒருவரான விக்ராந்த் நடித்து வரும் படம் 'பக்ரீத்'. இந்த படத்தின் படப்ப்பிடிப்பு விறுவிறுப்பாக நடந்து கொண்டிருக்கும் நிலையில் இன்று வெளியாகியுள்ள ஃபர்ஸ்ட்லுக் போஸ்டரில் கிறிஸ்துமஸ் நல்வாழ்த்துக்கள் தெரிவிக்கப்பட்டுள்ளது.
விக்ராந்த் ஜோடியாக 'பேராண்மை' புகழ் வசுந்தரா நடிக்கவுள்ள இந்த படம் ஜெகதீஷ் சுபு ஒளிப்பதிவு மற்றும் இயக்கத்தில், டி.இமான் இசையில், ரூபன் படத்தொகுப்பில், மதன் கலை இயக்கத்தில் திலீப் சுப்பராயன் ஸ்டண்ட் இயக்கத்தில் உருவாகி வருகிறது. இந்த படத்தின் டீசர் விரைவில் வெளிவரவுள்ளதாக அறிவிக்கப்பட்டுள்ளது.