அமெரிக்காவில் ரஜினிக்கு பின் விஜய் செய்த சாதனை
- IndiaGlitz, [Saturday,October 22 2016]
இளையதளபதி விஜய் நடித்து வரும் 'பைரவா' படத்தின் இறுதிக்கட்ட படப்பிடிப்பு தற்போது சுவிட்சர்லாந்து நாட்டில் நடைபெறுகிறது என்பதை ஏற்கனவே பார்த்தோம்.
இந்நிலையில் இந்த படம் வரும் பொங்கல் திருநாளில் வெளியாவது கிட்டத்தட்ட உறுதியாகியுள்ளதால் படத்தின் வியாபாரமும் சுறுசுறுப்பாக நடந்து வரும் நிலையில் தற்போது 'பைரவா' படத்தின் அமெரிக்க ரிலீஸ் உரிமையை பெற்ற நிறுவனங்கள் குறித்த தகவல்கள் வெளிவந்துள்ளன.
டெண்ட் கொட்டா நிறுவனம், 8K மைல்ஸ் மீடியா நிறுவனம் மற்றும் B&B எண்டர்டெயின்மெண்ட் நிறுவனம் ஆகியவை இணைந்து இந்த படத்தின் அமெரிக்க ரிலீஸ் உரிமையை பெற்றுள்ளதாகவும், ரஜினி படங்களை அடுத்து அமெரிக்காவில் மிகப்பெரிய தொகைக்கு விலைபோன படம் 'பைரவா' படம் தான் என்றும் கூறப்படுகிறது.