இளையதளபதி விஜய் நடித்த 'பைரவா' திரைப்படம் கடந்த 12ஆம் தேதி பொங்கல் திருவிழா படமாக சோலோவாக ரிலீஸ் ஆனது. இந்த படத்தின் விமர்சனங்கள் கலவையாக வந்தபோதிலும் ஓப்பனிங் வசூலில் எந்த பாதிப்பும் இல்லை. குறிப்பாக சென்னை வசூல் 'தெறி' படத்தை அடுத்து மிக அதிகமாக வசூல் செய்த விஜய் படங்களில் இரண்டாவது பெரிய ஓப்பனிங் வசூல் என்ற பெருமையை பெற்றது.

இந்த படம் சென்னையில் கடந்த வார இறுதியில் 23 திரையரங்க வளாகங்களில் 560 காட்சிகள் திரையிடப்பட்டு ரூ.2,45,51,820 கோடி வசூல் செய்துள்ளது., திரையரங்குகளில் 95% பார்வையாளர்கள் இருந்தனர் என்பது குறிப்பிடத்தக்கது.

மேலும் கடந்த 12ஆம் தேதி முதல் 15ஆம் தேதி வரையிலான இந்த படத்தின் மொத்த வசூல் ரூ.3,38,73,610 ஆகும். இன்றும் நாளையும் விடுமுறை நாள் என்பதால் இந்த இரண்டு நாட்களிலும் இந்த படம் நல்ல வசூலை பெறும் என்று எதிர்பார்க்கப்படுகிறது.