பிரபல பேட்மிண்டன் வீராங்கனை சாய்னா நேவல் சமீபத்தில் ஆஸ்திரேலியாவில் நடைபெற்ற காமன்வெல்த் போட்டியில் இந்தியாவுக்காக தங்கப்பதக்கம் பெற்று தந்தார் என்பது தெரிந்ததே. இதைபோல் இந்தியாவிற்கு பல்வேறு பதக்கங்களை பெற்று தந்த சாய்னா நேவல் விரைவில் தனது காதலரை கைப்பிடிக்கவுள்ளார்.

ஐதராபாத்தை சேர்ந்த சாய்னா நேவல் தனது பயிற்சியாளர் காஷ்யப் என்பவரை கடந்த சில மாதங்களாக காதலித்து வந்தார். இவர்களுடைய காதலுக்கு இருவீட்டார்களும் பச்சைக்கொடி காண்பித்ததை அடுத்து வரும் டிசம்பர் மாதம் 16ஆம் தேதி திருமணம் நடத்த திட்டமிட்டுள்ளனர். இந்த திருமணத்திற்கு இருவீட்டார்கள் சுமார் 100 பேர்கள் மட்டும் அனுமதிக்கப்படுவார்கள் என தெரிகிறது.

மேலும் டிசம்பர் 21ஆம் தேதி வரவேற்பு விழா பிரமாண்டமாக நடத்த திட்டமிடப்பட்டுள்ளதாகவும் இதில் ஏராளமான விஐபிக்கள் கலந்து கொள்வார்கள் என்றும் எதிர்பார்க்கப்படுகிறது.