టాలీవుడ్ యంగ్ హీరో, స్టైలిష్ స్టార్ అల్లు అర్జున్, పూజా హేగ్దే నటీనటులుగా మాటల మాంత్రికుడు త్రివిక్రమ్ దర్శకత్వంలో వస్తున్న చిత్రం ‘అల వైకుంఠపురంలో..’. ఈ చిత్రాన్ని సంక్రాంతికి థియేటర్లలోకి రానుంది. అయితే ఈ మూవీ తర్వాత బన్నీ బిజిబిజీగా గడపనున్నారు. సుకుమార్, వేణు శ్రీరామ్ దర్శకత్వంలో సినిమా ఉంటుందని వార్తలు వచ్చాయి. వీటిలో సుక్కుతో రేపో మాపో షూటింగ్ కూడా ప్రారంభం కానుంది. అయితే వేణుశ్రీతో అనుకున్న ‘ఐకాన్’ గురించి ఓ షాకింగ్ న్యూస్ బయటికొచ్చింది. ఈ వార్త విన్న బన్నీ ఫ్యాన్స్ తీవ్ర అసంతృప్తితో రగిలిపోతున్నారట. ఇందుకు కారణం ‘ఐకాన్’ సినిమా అటకెక్కడమేనట.

మొదట కథలో లైన్ విన్న బన్నీ.. సుక్కు సినిమా కంటే ముందుగా ‘ఐకాన్’‌లో నటించాలని భావించారట. అయితే పూర్తి కథ విన్నాక సారీ తనకు కథ నచ్చలేదని ‘నో’ చెప్పేశాడట. అందుకే ఇక ఐకాన్‌ను పక్కనెట్టేసి సుక్కుతో సినిమా చేయాలని భావించిన అల్లు అర్జున్ గ్రీన్ సిగ్నల్ ఇచ్చారట. ఈ క్రమంలో సుక్కు షూటింగ్‌కు అన్ని పనులు పూర్తి చేసుకున్నారట. కాగా రేపు అనగా.. బుధవారం నాడు మైత్రీ మూవీస్ కార్యాలయంలో పూజా కార్యక్రమాలను జరుపుకోనుంది.