இயக்குனர் விஜய் இயக்கிய 'மதராஸப்பட்டினம்' என்ற திரைப்படத்தின் மூலம் தமிழ் சினிமாவில் அறிமுகமான நடிகை எமிஜாக்சன் அதன்பின் 'தெறி, தங்க மகன், 2.0', ஐ' உள்ளிட்ட பல திரைப்படங்களில் நடித்தார். இந்த நிலையில் எமி ஜாக்சனுக்கும் இங்கிலாந்தை சேர்ந்த தொழில் அதிபர் ஜார்ஜ் என்பவருக்கும் இடையே காதல் மலர்ந்து, இருவரும் விரைவில் திருமணம் செய்ய உள்ளதாக இருந்தனர்.

இந்த நிலையில் திடீரென எமிஜாக்சன் கர்ப்பமடைந்தார். ஏற்கனவே அவர் தனக்கு ஆண் குழந்தை தான் பிறக்கும் என்று அறிவித்திருந்தபடியே இன்று அவருக்கு அழகான ஆண் குழந்தை பிறந்துள்ளது. இந்த குழந்தைக்கு ஆண்ட்ரியாஸ் என்று எமி ஜாக்சன்-ஜார்ஜ் தம்பதியினர் பெயர் வைத்துள்ளனர்

குழந்தையை மடியில் வைத்தவாறு எமி ஜாக்சன் படுத்திருக்க, அவரது நெற்றியில் கணவர் ஜார்ஜ் முத்தமிடும் புகைப்படம் ஒன்றை எமிஜாக்சன் தனது இன்ஸ்டாகிராம் பக்கத்தில் வெளியிட்டுள்ளார். இந்த புகைப்படம் இணையதளத்தில் வைரலாகி வருகிறது