బొబ్బిలి రాజా ని గుర్తు చేసిన బాబు..బంగారం టీజర్..
- IndiaGlitz, [Monday,June 06 2016]
విక్ట‌రీ వెంక‌టేష్ హీరోగా యంగ్ డైరెక్ట‌ర్ మారుతి తెర‌కెక్కిస్తున్న చిత్రం బాబు..బంగారం. సితార ఎంట‌ర్ టైన్మెంట్స్ బ్యానర్ పై బాబు బంగారం చిత్రాన్ని సూర్య‌దేవ‌ర నాగ‌వంశీ నిర్మిస్తున్నారు. ఈరోజు రామానాయుడు జ‌యంతి పుర‌స్క‌రించుకుని బాబు బంగారం టీజర్ రిలీజ్ చేసారు. ఈ టీజర్ చూస్తుంటే బొబ్బిలి రాజా గుర్తుకువ‌స్తుంది. ఇంత‌కీ విషయం ఏమిటంటే...బొబ్బిలి రాజా లో అయ్యో అయ్యో అయ్య‌య్యో...అనే డైలాగ్ ఎంత పాపుల‌రో అంద‌రికీ తెలిసిందే.
ఇప్పుడు వెంకీ బాబు...బంగారం లో ఈ డైలాగ్ చెప్ప‌డంతో టీజర్ కి అనూహ్య‌మైన రెస్పాన్స్ వ‌స్తుంది. మ‌ధ‌ర్ థెరిస్సా మ‌ళ్లీ పుట్టి పోలీస్ అయితే ఎలా ఉంటుందో..అదే మా ఎసిపి కృష్ణ అయ్యో...అయ్యో.. అయ్య‌య్యో అంటూ చెప్పే డైలాగ్ తో బాబు...బంగారం సినిమా ఎలా ఉంటుందో అనేది క్లారిటీ వ‌చ్చేసింది. ఖ‌చ్చితంగా వెంకీ - మారుతి క‌లిసి హిట్ కొట్టేస్తున్నారు అనిపిస్తుంది. మ‌రి...ఏ రేంజ్ లో ఈ హిట్ ఉంటుందో చూడాలి.