చెన్నైలో బాబు.. బంగారం
- IndiaGlitz, [Tuesday,June 28 2016]
విక్ట‌రీ వెంక‌టేష్ - యూత్ ఫుల్ డైరెక్ట‌ర్ మారుతి కాంబినేష‌న్లో రూపొందుతున్న చిత్రం బాబు బంగారం. ఈ చిత్రాన్ని సితార ఎంట‌ర్ టైన్మెంట్స్ బ్యాన‌ర్ పై సూర్య‌దేవ‌ర నాగ‌వంశీ నిర్మిస్తున్నారు. ఈ చిత్రంలో వెంక‌టేష్ స‌ర‌స‌న న‌య‌న‌తార న‌టిస్తుంది. టాకీ మొత్తం పూర్తి చేసుకున్న బాబు బంగారం..మిగిలిన ఒక్క పాట‌ను జులై 4 నుంచి 8 వ‌ర‌కు చెన్నైలో ప్ర‌త్యేకంగా వేసిన సెట్ లో చిత్రీక‌రించ‌నున్నారు. దీంతో షూటింగ్ మొత్తం పూర్త‌వుతుంది. ఈ సంద‌ర్భంగా డైరెక్ట‌ర్ మారుతి ట్విట్ట‌ర్ లో స్పందిస్తూ...బాబు బంగారం ఒక పాట మినిహా షూటింగ్ పూర్త‌య్యింది. టీమ్ అంద‌రికీ థ్యాంక్స్. బాబు బంగారం ఆడియోను జులై 9న రిలీజ్ చేస్తున్నాం అని తెలియ‌చేసారు. ఇక బాబు బంగారం చిత్రాన్ని జులై 29న విడుదల చేయ‌డానికి ప్లాన్ చేస్తున్నారు.