ఎన్టీఆర్ ప్లేస్ లో బాబు...బంగారం వచ్చేస్తున్నాడు
- IndiaGlitz, [Friday,July 15 2016]
విక్ట‌రీ వెంక‌టేష్ - యువ ద‌ర్శ‌కుడు మారుతి కాంబినేష‌న్లో రూపొందుతున్న ఫ్యామిలీ ఎంట‌ర్ టైన‌ర్ బాబు బంగారం. ఈ చిత్రంలో వెంక‌టేష్ స‌ర‌స‌న అందాల తార న‌య‌న‌తార న‌టించింది. సితార ఎంట‌ర్ టైన్మెంట్స్ బ్యాన‌ర్ పై రూపొందుతుందున్న ఈ చిత్రానికి గిబ్రాన్ సంగీతం అందిస్తున్నారు. ఈనెల 29న ఈ చిత్రాన్ని రిలీజ్ చేయాల‌నుకున్నారు. అయితే...క‌బాలి ఈనెల 22న రిలీజ్ అవుతుండ‌డంతో బాబు...బంగారం వాయిదా వేసారు. ఇప్పుడు ఎన్టీఆర్ జనతా గ్యారేజ్ వాయిదా ప‌డ‌డంతో బాబు బంగారం రిలీజ్ డేట్ ఫిక్స్ చేసారు.
బాబు...బంగారం ఆడియోను ఈ నెల 24న, మూవీని ఆగ‌ష్టు 12న రిలీజ్ చేయ‌నున్న‌ట్టు ప్ర‌క‌టించారు. భ‌లే భ‌లే మ‌గాడివోయ్ స‌క్సెస్ త‌ర్వాత మారుతి చేస్తున్న సినిమా కావ‌డంతో బాబు బంగారం పై మంచి అంచ‌నాలు ఏర్ప‌డ్డాయి. దీనికి త‌గ్గ‌ట్టు టీజ‌ర్ కి అనూహ్య‌మైన రెస్పాన్స్ ల‌భించ‌డంతో ఈ మూవీ పై అంచ‌నాలు అమాంతం పెరిగిపోయాయి. వెంకీ స్టైల్ లో ఉండే ఫ్యామిలీ ఎంట‌ర్ టైన‌ర్ గా రూపొందుతున్న బాబు బంగారం ఎలాంటి విజ‌యాన్ని సాధిస్తుందో చూడాలి.