பிரபல நடிகைக்கு ஆலோசகராக விரும்பும் யோகா குரு ராம்தேவ்
- IndiaGlitz, [Tuesday,January 14 2020]
பிரபல நடிகை தீபிகா படுகோன் சமீபத்தில் மாணவர்களின் போராட்டத்துக்கு நேரில் சென்று ஆதரவு தெரிவித்தார் என்பது தெரிந்ததே. தீபிகா படுகோனே இந்த போராட்டத்திற்கு ஆதரவு கொடுத்ததால் அவரது நடிப்பில் வெளியான ’சப்பக்’ என்ற படத்திற்கு சில பிரச்சினைகளும், அதே நேரத்தில் அந்த படத்திற்கு நல்ல விளம்பரமும் கிடைத்தது என்பது குறிப்பிடத்தக்கது.
இந்த நிலையில் நடிகை தீபிகா படுகோனே தன்னை ஆலோசகராக நியமித்தால் அவருக்கு எந்த பிரச்சனையும் இருக்காது என்று பிரபல யோகா குரு ராம்தேவ் அவர்கள் தெரிவித்தது பெரும் பரபரப்பை ஏற்படுத்தி உள்ளது. நாட்டில் நிலவும் சமூக அரசியல் பிரச்சினை குறித்து அவர் எந்த ஒரு நிலைப்பாட்டையும் எடுப்பதற்கு முன்னால் தன்னிடம் ஆலோசனை பெற்றால் அவருக்கும் பிரச்சனை இருக்காது நாட்டுக்கும் பிரச்சனை இருக்காது என்று அவர் தெரிவித்தார்.
சமீபத்தில் மாணவர்கள் போராட்டத்திற்கு ஆதரவு கொடுத்ததையே யோகா குரு ராம்தேவ் மறைமுகமாக இந்த கருத்தை தெரிவித்துள்ளார் என்று கூறப்படுகிறது. யோகா குரு ராம்தேவின் வேண்டுதலை ஏற்று அவரை ஆலோசகராக தீபிகா படுகோனே நியமனம் செய்வாரா? என்பதை பொறுத்திருந்து பார்ப்போம்.