ఆ రికార్డ్ సాధించే దిశగా బాహుబలి
- IndiaGlitz, [Saturday,July 11 2015]
యంగ్ రెబల్ స్టార్ ప్రభాస్ హీరోగా రాజమౌళి దర్శకత్వంలో రూపొందిన విజువల్ వండర్ బాహుబలి' అంచనాలను మించుతూ రికార్డ్ కలెక్షన్స్ సాధిస్తుంది. బెనిఫిట్ షో నుండి తిరుగులేని క్రేజ్ తో వసూళ్ల పరంగా సరికొత్త రికార్డులకు కేరాఫ్ అడ్రస్ అవుతుంది. తొలిరోజున ఓవర్ సీస్ లో వన్ మిలియన్ డాలర్స్ ను కలెక్ట్ చేసిన ఈ మూవీ అక్కడ న్యూ ట్రెండ్ సెట్ చేసింది. ప్రభాస్ ఫ్యాన్స్ ప్రభంజనం, ఇప్పటి వరకు ప్లాప్ సినిమా అంటే ఎరుగని దర్శకధీరుడు రాజమౌళి దర్శకత్వంలో ఈ సినిమా రూపొందడంతో అభిమానులు, ప్రేక్షకుల్లో భారీ అంచనాలు నెలకొన్నాయి.
అందుకు తగినట్టుగానే రాజమౌళి సినిమాని విజువల్ ఫీస్ట్ గా మలిచాడు. తెలుగు, తమిళం, హిందీ, మలయాళంల్లో దాదాపు నాలుగు వేల స్క్రీన్స్ లో విడుదలై ఈ చిత్రం తెలుగులోనే తొలిరోజున 30 కోట్ల రూపాయలను కలెక్ట్ చేసింది. తమిళం, హిందీ, మలయాళంలతో కలుపుకుంటే ఈ సినిమా డొమెస్టిక్ లో 50 కోట్ల రూపాయలను, ఓవర్ సీస్ లో ఇప్పటి వరకు 16కోట్లు కలెక్ట్ చేసి మొత్తంగా 66 కోట్ల రూపాయలను వసూలు చేసిందని ట్రేడ్ వర్గాల అభిప్రాయం.
ఈ ప్రభంజనం ఇలాగే కొనసాగితే సౌతిండియాలో కొత్త రికార్డులను నెలకొల్పడమే కాకుండా తొలి మూడు రోజుల్లో వందకోట్ల రూపాయలను కలెక్ట్ చేస్తుందని ఈ వర్గాలు అభిప్రాయ పడుతున్నాయి. వందకోట్ల కలెక్షన్స్ సాధించే చిత్రంగా ఈ ఘనతను అందుకోనున్న తొలి తెలుగు సినిమా ఇదే కానుంది.