బాహుబలి 2 రిలీజ్ డేట్ అంటూ బాలీవుడ్ ప్రచారం...
- IndiaGlitz, [Wednesday,February 10 2016]
ద‌ర్శ‌క‌థీర రాజ‌మౌళి బాహుబలి సినిమాతో ఎంత‌టి సంచ‌ల‌నం సృష్టించారో తెలిసిందే. ఇప్పుడు బాహుబ‌లిని మించి స‌క్సెస్ సాధించేలా బాహుబలి 2 తెర‌కెక్కిస్తున్నారు. ఇటీవ‌ల కేర‌ళ‌లో షూటింగ్ జ‌రిపారు. ఇదిలా ఉంటే... బాహుబలి 2 రిలీజ్ ఎప్పుడు అనే విష‌యం గురించి రాజ‌మౌళి స్పందించ‌లేదు. కానీ...2017 లో బాహుబలి రిలీజ్ ఉండ‌చ్చు అనుకున్నారు. అయితే.... బాహుబలి 2 రిలీజ్ 2016 డిసెంబ‌ర్ 25న అంటే క్రిస్మెస్ రోజున రిలీజ్ అవుతుంది అంటూ బాలీవుడ్ లో ప్రచారం మొద‌లైంది.
అంతే కాదు అదే రోజున బాలీవుడ్ స్టార్ హీరో అమీర్ ఖాన్ దంగ‌ల్ మూవీ కూడా రిలీజ్ అవుతుంది. దీంతో క్రిస్మెస్ రోజున అమీర్ ఖాన్ సినిమా, రాజ‌మౌళి సినిమా బాక్సా ఫీస్ వ‌ద్ద పోటీప‌డ‌నున్నాయ‌ని బాలీవుడ్ ప‌త్రిక‌లు ప్ర‌త్యేక క‌థ‌నాలు రాస్తున్నాయి. బాహుబలి 2 రిలీజ్ డేట్ గురించి బాలీవుడ్ ప‌త్రిక‌లు రాస్తున్నాయంటే అక్క‌డ ఎంత ఆస‌క్తిగా ఈ సినిమా గురించి ఎదురుచూస్తున్నారో అర్థం చేసుకోవ‌చ్చు. మ‌రి...బాలీవుడ్ లో ప్ర‌చారంలో ఉన్న‌ట్టు క్రిస్మెస్ రోజున బాహుబలి 2 నిజంగా రిలీజ్ అవుతుందా..? లేదా..? ఈ విష‌యం గురించి రాజ‌మౌళి ఎలా స్పందిస్తారో చూడాలి.