பிரமாண்ட இயக்குனர் எஸ்எஸ் ராஜமவுலி இயக்கிய ’பாகுபலி’ மற்றும் ‘பாகுபலி 2’ திரைப்படங்களில் வில்லனாக நடித்திருந்த ராணா டகுபதி கடந்த சில ஆண்டுகளாக பெண் தொழிலதிபர் ஒருவரை காதலித்து வருவதாக வதந்திகள் கிளம்பியது. இதுகுறித்து ரானா உறுதி செய்யாத நிலையில் தற்போது அவர் தனது சமூக வலைத்தளத்தில் ’ஆம் அவர் எனக்கு ஓகே சொல்லிவிட்டார்’ என்று குறிப்பிட்டு அந்தப் பெண் தொழிலதிபருடன் இணைந்து எடுத்த புகைப்படத்தையும் பதிவு செய்துள்ளார்

ரானாவுக்கு ஓகே சொன்ன அந்த பெண் தொழிலதிபர் மிஹேகா பஜாஜ் என்பது குறிப்பிடத்தக்கது. இதனையடுத்து ரானாவுக்கும் தொழிலதிபர் மிஹேகா பஜாஜ் அவர்களுக்கும் விரைவில் திருமணம் நடைபெறும் என்று எதிர்பார்க்கப்படுகிறது

நடிகர் ராணாவுடன் ஒரு சில நடிகைகள் கிசுகிசுக்கப்பட்ட நிலையில் தற்போது அந்த வதந்திகளுக்கு முற்றுப்புள்ளி வைக்கும் விதமாக தனது காதலை ரானா வெளிப்படுத்தி உள்ளார் என்பது குறிப்பிடத்தக்கது. இந்த நிலையில் ரானாவின் காதல் சக்ஸஸ் ஆனதை அடுத்து தெலுங்கு திரையுலக பிரபலங்கள் அவருக்கு வாழ்த்துக்களை தெரிவித்து வருகின்றனர்
 

And she said Yes :) ❤️ pic.twitter.com/iu1GZxhTeN

— Rana Daggubati (@RanaDaggubati) May 12, 2020