యంగ్ రెబ‌ల్ స్టార్ ప్ర‌భాస్ - అందాలతార అనుష్క - రానా కాంబినేష‌న్లో ద‌ర్శ‌క‌ధీర రాజ‌మౌళి తెర‌కెక్కించిన సంచ‌ల‌న చిత్రం బాహుబ‌లి. ఒక ప్రాంతీయ చిత్రం ప్ర‌పంచ వ్యాప్తంగా ఇంత‌టి సెన్సేష‌న్ క్రియేట్ చేయ‌డం విశేషం. బాహుబ‌లి సినిమాకి కేంద్ర‌ప్ర‌భుత్వం ఉత్త‌మ జాతీయ చిత్రం అవార్డ్ ప్ర‌క‌టించ‌డం తెలుగువారంద‌రికీ గ‌ర్వ‌కార‌ణం.

ఈ సంద‌ర్భంగా బాహుబ‌లి నిర్మాత శోభు యార్ల‌గ‌డ్డ మాట్లాడుతూ...తెలుగు సినిమాకి జాతీయ అవార్డ్ రావ‌డం అంటే.... శంక‌రాభ‌ర‌ణం, గీతాంజ‌లి చిత్రాల‌కు వ‌చ్చాయి. ఇప్పుడు బాహుబ‌లి సినిమాకి జాతీయ అవార్డ్ రావ‌డం హ్యాఫీగా ఉంది. 2012 నుంచి ప్రాజెక్ట్ స్టార్ట్ చేసాం. ప్ర‌తి ఒక్క‌రు చాలా క‌ష్ట‌ప‌డ్డారు. దానికి ఫ‌లితం ద‌క్కిన‌ట్టు అయ్యింది. హార్డ్ వ‌ర్క్ తో గుడ్ ఫిల్మ్ చేస్తే క‌చ్చితంగా జాతీయ అవార్డ్ వ‌స్తుంది అని బాహుబ‌లి నిరూపించింది. ఇక‌ బాహుబ‌లి 2 గురించి చెప్పాలంటే...బాహుబ‌లి కంటే బెట‌ర్ గా ఉండేలా బాహుబ‌లి 2ని రూపొందిస్తున్నాం. నెక్ట్స్ ఇయ‌ర్ స‌మ్మ‌ర్ లో బాహుబ‌లి 2 చిత్రాన్ని రిలీజ్ చేయ‌డానికి ప్లాన్ చేస్తున్నాం అన్నారు.