బాహుబ‌లి సినిమాతో తెలుగు సినిమా ఖ్యాతిని ప్ర‌పంచానికి చాటి చెప్పిన ద‌ర్శ‌క‌ధీరుడు రాజ‌మౌళి. ప్ర‌భాస్, రానా, అనుష్క‌, త‌మ‌న్నా, ర‌మ్య‌కృష్ణ ప్ర‌ధాన తారాగ‌ణంగా బాహుబ‌లి 2 రూపొందుతుంది. రెండు పాట‌లు, కొన్ని సీన్స్ మిన‌హా షూటింగ్ పూర్త‌య్యింది. డిసెంబ‌ర్ కి మొత్తం షూటింగ్ పూర్త‌వుతుంది. ఆర్కా మీడియా బ్యాన‌ర్ పై అత్యంత ప్ర‌తిష్టాత్మ‌కంగా రూపొందుతున్న బాహుబ‌లి 2 చిత్రం ఏప్రిల్ 28న ప్ర‌పంచ వ్యాప్తంగా ప్రేక్ష‌కుల ముందుకు రానుంది.

ఇదిలా ఉంటే...ఈరోజు బాహుబ‌లి యానిమేష‌న్ టీజ‌ర్ ను రాజ‌మౌళి ట్విట్ట‌ర్ ద్వారా రిలీజ్ చేసారు. ఆర్కామీడియా, గ్రాఫిక్ ఇండియా, అమేజాన్ ఇన్ క‌లిసి యానిమేష‌న్ సీరిస్ చేస్తుండ‌డంతో చాలా ఎక్సైట్ అవుతున్నాను అంటూ త‌న సంతోషాన్ని తెలియ‌చేసారు రాజ‌మౌళి. ఇక బాహుబ‌లి 2 ఫ‌స్ట్ లుక్ ను ప్ర‌భాస్ పుట్టిన‌రోజు (అక్టోబ‌ర్ 23) కానుక‌గా ఈనెల 22న రిలీజ్ చేయ‌నున్నారు.