உலக அளவில் 11வது இடத்தை பிடித்தது 'பாகுபலி 2'
- IndiaGlitz, [Saturday,March 18 2017]
பிரபாஸ், அனுஷ்கா, தமன்னா, ராணா நடிப்பில் எஸ்.எஸ்.ராஜமெளலி இயக்கிய 'பாகுபலி 2' படத்தின் டிரைலர் சமீபத்தில் வெளியாகி 24 மணி நேரத்தில் 50 மில்லியன் பார்வையாளர்களை பெற்றது என்பதை பார்த்தோம். இந்திய அளவில் அதிக நபர்கள் பார்த்த டிரைலர் என்ற சாதனையை இந்த படத்தின் டிரைலர் ஏற்படுத்தியிருக்கும் நிலையில் உலக அளவிலும் புதிய சாதனை செய்துள்ளது.
24 மணி நேரத்தில் உலக அளவில் அதிக பேர்களால் பார்க்கப்பட்ட வீடியோ பட்டியலில் 'பாகுபலி 2' டிரைலர் 11வது இடத்தை பிடித்துள்ளது. இந்த தகவல் இந்த படத்திற்கு கிடைத்த மிகப்பெரிய பெருமையாக கருதப்படுகிறது.
மேலும் இந்த பட்டியலில் ஜல்லிக்கட்டு குறித்த பாடல் ஒன்று 6வது இடத்தையும், ஷாருக்கானின் 'ராயீஸ்' திரைப்படம் 19வது இடத்தையும், அமீர்கானின் 'டங்கல்' திரைப்படம் 26வது இடத்தையும் பிடித்துள்ளது என்பது குறிப்பிடத்தக்கது. இந்த பட்டியலில் Fast and Furious படத்தின் 8ஆம் பாகத்தின் டிரைலர் 24 மணி நேரத்தில் 139 மில்லியன் பார்வையாளர்களை பெற்று முதலிடத்தில் உள்ளது.