యంగ్ రెబ‌ల్‌స్టార్ ప్ర‌భాస్‌, అనుష్క‌, త‌మ‌న్నా,రానా, స‌త్య‌రాజ్‌, ర‌మ్య‌కృష్ణ‌, నాజ‌ర్ ప్ర‌ధాన తారాగాణంగా కె.రాఘ‌వేంద్ర‌రావు స‌మ‌ర్ప‌ణ‌లో ఆర్కా మీడియా వర్క్స్‌ బ్యానర్‌పై శోభుయార్లగడ్డ, ప్రసాద్‌ దేవినేని నిర్మాతలుగా ఎస్‌.ఎస్‌.రాజ‌మౌళి ద‌ర్శ‌క‌త్వంలో రూపొందుతోన్న విజువ‌ల్ వండ‌ర్ `బాహుబ‌లి 2`.బాహుబ‌లి పార్ట్ 1 ఆరు వంద‌ల కోట్ల క‌లెక్ష‌న్స్‌తో బ్లాక్ బ‌స్ట‌ర్ హిట్ సాధించిన ఈ చిత్రం సీక్వెల్‌పై భారీ అంచ‌నాలు నెల‌కొన్నాయి. బాహుబ‌లి2 చిత్రాన్ని ఏప్రిల్ 28న విడుద‌ల‌వుతుంది. విడుద‌ల‌కు ముందు ప్రేక్ష‌కుల్లో అంచనాల‌ను పెంచ‌డానికి విడుద‌లైన ట్రైల‌ర్‌కు ఆడియెన్స్ నుండి ట్రెమెండ‌స్ రెస్పాన్స్ వ‌స్తుంది. ట్రైల‌ర్ ఐదు గంట‌ల్లోనే ఐదు మిలియ‌న్ వ్యూస్ సాధించి స‌రికొత్త రికార్డును క్రియేట్ చేసుకుంది. ఇప్ప‌టి వ‌ర‌కు బాహుబ‌లి2 ట్రైల‌ర్ 68 లక్ష‌ల వ్యూస్‌ను సాధించింది.