జాతీయ స్థాయిలో వ‌సూళ్ళ వ‌ర్షం కురిపించిన చిత్రం ‘బాహుబలి 2 - ది కంక్లూజ‌న్‌’. ప్ర‌పంచ‌వ్యాప్తంగా రూ.1600 కోట్ల‌కి పైగా గ్రాస్ రాబ‌ట్టిన ఈ సినిమా..  శుక్రవారం  చైనాలో విడుద‌లైంది. చైనీస్ బాక్సాఫీస్ వద్ద  తొలి రెండు రోజులు 5.54 మిలియ‌న్ డాల‌ర్ల  (రూ.37కోట్ల) వసూళ్లు రాబట్టి తన హవాను చాటుకుంది. ఈ లెక్కన మొదటి వారాంతానికి  $7.5 మిలియన్లకి పైగా వసూళ్లు చేసే అవకాశం ఉందనీ.. ఫుల్ ర‌న్‌లో  $20 - $30 మిలియన్లు రాబ‌ట్ట‌వ‌చ్చ‌ని ట్రేడ్ వర్గాలు భావిస్తున్నాయి.

ప్రస్తుతం చైనీస్ బాక్సాఫీస్ వద్ద బాలీవుడ్ ఫిల్మ్ ‘దంగల్’ రూ. 386.33 కోట్ల కలెక్షన్ల‌తో తొలి స్థానంలో ఉంది.  ‘బాహుబలి 2’ ఈ రికార్డును అందుకోవాలంటే కనీసం 60 మిలియన్ డాలర్ల వసూళ్లు రాబట్టాలి. అయితే.. ఈ నెల 11న  ‘అవెంజర్స్: ఇన్ఫినిటీ వార్’ చైనాలో రిలీజ్ కాబోతోంది. అలాగే చైనా స్థానిక సినిమాలు ఉండ‌నే ఉన్నాయి. ఈ నేప‌థ్యంలో    ‘బాహుబలి 2’ ఈ ఫీట్‌ను అందుకోవడంలో ఎంత‌వ‌ర‌కు స‌క్సెస్ అవుతుందో అన్న‌ది ఆస‌క్తిక‌రంగా మారింది.