యంగ్ రెబ‌ల్‌స్టార్ ప్ర‌భాస్‌, రాజ‌మౌళి కాంబినేష‌న్ లో రూపొందుతోన్న బాహుబ‌లి పార్ట్ 2 బాహుబ‌లి ది క‌న్ క్లూజ‌న్ 2017 ఏప్రిల్ లో విడుద‌ల‌కు సిద్ధ‌మ‌వుతుంది. ఆర్కా మీడియా బ్యాన‌ర్‌పై శోభు యార్ల‌గ‌డ్డ‌, ప్ర‌సాద్ దేవిని ఈ చిత్రాన్ని నిర్మిస్తున్న సంగ‌తి తెలిసిందే. విడుద‌ల‌కు ముందే బిజినెస్ పరంగా క్రేజ్ క్రియేట్ చేసిన ఈ చిత్రం ప్ర‌స్తుతం చిత్రీక‌ర‌ణ ద‌శ‌లోనే ఉంది.

ఈ సినిమాను ఏప్రిల్ 14న విడుద‌ల చేయాల‌ని అనుకున్నారు కానీ తాజా స‌మాచారం ప్ర‌కారం ఏప్రిల్ 28న విడుద‌ల చేయ‌డానికి స‌న్నాహాలు చేస్తున్నార‌ని ట్రేడ్ వ‌ర్గాలు అంటున్నాయి. ఏప్రిల్ 28తో క‌ట్ట‌ప్ప బాహుబ‌లిని ఎందుకు చంపాడ‌నేది అనే విష‌యంపై ఆరోజుతో క్లారిటీ వ‌చ్చేస్తుంద‌న్న‌మాట‌. మ‌రి రిలీజ్ త‌ర్వాత బాహుబ‌లి ఎన్ని రికార్డుల‌ను క్రియేట్ చేస్తాడో చూడాలి.