తెలుగు సినిమా స్థాయిని ప్ర‌పంచ స్థాయికి తీసుకెళ్ళిన సినిమా బాహుబ‌లి2- ది క‌న్‌క్లూజ‌న్‌. ప్ర‌భాస్, రాజ‌మౌళి, అనుష్క‌, త‌మ‌న్నా, సత్యరాజ్‌, రానా, ర‌మ్య‌కృష్ణ‌, నాజ‌ర్ ప్ర‌ధాన పాత్ర‌ధారులుగా రూపొందిన ఈ చిత్రం ఒక‌టో భాగం 600 కోట్ల క‌లెక్ష‌న్స్‌తో సెన్సేష‌న్ క్రియేట్ చేసి అంద‌రి దృష్టిని త‌న వైపుకు తిప్పుకుంది. ఇప్పుడంద‌రూ `బాహుబ‌లి2` ఎప్పుడు రిలీజ్ అవుతుంద‌ని ఆస‌క్తిగా ఎదురుచూస్తున్నారు. వ‌ర్చువ‌ల్ రియాలిటీ టెక్నాల‌జీని ఈ చిత్రంతో ద‌ర్శ‌కుడు రాజ‌మౌళి ఇంట్ర‌డ్యూస్ చేస్తున్నాడు.

దీంతో తెలుగు సినిమా మార్కెట్‌ను ఇంకా విస్తృతం చేయ‌డానికి అవ‌కాశం ఉన‌ట్లే. కాగా ఈ సినిమా ఏప్రిల్ 28, 2017న విడుద‌ల కానుంది. డిసెంబ‌ర్ రెండో వారానికంతా సినిమా షూటింగ్ పూర్త‌వుతుంది. ప్ర‌స్తుతం సినిమా పోస్ట్ ప్రొడ‌క్ష‌న్‌లో భాగంగా వి.ఎఫ్‌.ఎక్స్ వ‌ర్క్‌ను జ‌రుపుకుంటుంది. 30 వి.ఎఫ్‌.ఎక్స్ స్టూడియోస్‌లో 350 మంది టెక్నిషియ‌న్స్ బాహుబ‌లి2 వి.ఎఫ్‌.ఎక్స్ ప‌నుల‌ను క‌మ‌ల్ ప‌ర్య‌వేక్షిస్తున్నాడ‌ట‌. ఈ విష‌యాన్ని నిర్మాత శోభు యార్ల‌గ‌డ్డ సోష‌ల్ మీడియా ద్వారా తెలియ‌జేశారు.