திமுக தலைவர் கருணாநிதியின் மறைவிற்கு பின்னர் செயல் தலைவர் மு.க.ஸ்டாலினின் முழு கட்டுப்பாட்டில் அக்கட்சி உள்ளது. வரும் 28ஆம் தேதி நடைபெறவுள்ள திமுக தலைவர் தேர்தலில் மு.க.ஸ்டாலின் புதிய தலைவராக போட்டியின்றி தேர்வு செய்யப்படுவார் என்று எதிர்பார்க்கப்படுகிறது

இந்த நிலையில் கருணாநிதியின் மறைவிற்கு பின்னர் கட்சி உடையாமல் இருக்க மீண்டும் மு.க.அழகிரி கட்சியில் சேர்த்து கொள்ளப்படலாம் என்று கூறப்பட்டது. ஆனால் அதற்குரிய அறிகுறியே தற்போது தெரியவில்லை.

இந்த நிலையில் வரும் செப்டம்பர் 5ஆம் தேதி சென்னையில் அமைதிப்பேரணி ஒன்றை நடத்த மு.க.அழகிரி திட்டமிட்டுள்ளார். இந்த பேரணியின் கருணாநிதியின் உண்மையான விசுவாசிகள் ஒரு லட்சம் பேர் கலந்து கொள்வார்கள் என்றும் பேரணி முடிந்தபின்னர் தனது ஆதங்கத்தையும் முக்கிய அறிவிப்பையும் தெரிவிப்பேன் என்றும் மு.க.அழகிரி கூறியுள்ளார்.

செப்டம்பர் 5ஆம் தேதி அழகிரி நாள் குறித்துள்ளதால் அன்றைய தினம் அவருடைய அறிவிப்பு என்னவாக இருக்கும் என்பதே திமுகவினர்களின் எதிர்பார்ப்பாக உள்ளது.