பிரபல நடிகை அமலாபால் நேற்று தன்னை தொழிலதிபர் ஒருவர் ஆபாசமாக பேசியதாக காவல்நிலையத்தில் புகார் அளித்தார். இந்த புகாரின் அடிப்படையில் அழகேசன் என்ற 40வயது தொழிலதிபரை போலீசார் கைது செய்து விசாரணை செய்தனர்.

போலீஸ் விசாரணையில் தான் அமலாபாலை சந்திக்க சென்றது ஏன் என்பது குறித்து வாக்குமூலம் அளித்துள்ளார். மலேசியாவில் உள்ள தொழிலதிபரின் பார்ட்டி ஒன்றுக்கு அமலாபால் வர சம்மதித்ததாகவும், அந்த பார்ட்டியில் அமலாபால் கலந்து கொள்வதை உறுதி செய்ய மலேசிய தொழிலதிபர் தன்னிடம் அமலாபால் மேனேஜர் எண்ணை கொடுத்ததாகவும், இதனையடுத்து தான் அமலாபால் மேனேஜரை தொடர்பு கொண்டபோது, அமலாபால் நடனப்பயிற்சியில் உள்ளதாகவும், அங்கு சென்று அவரை பார்க்குமாறு கூறியதாகவும் தொழிலதிபர் அழகேசன் போலீசாரிடம் வாக்குமூலம் கொடுத்துள்ளார்

ஆனால் அமலாபாலின் மேனேஜர், அழகேசன் தனக்கு போன் செய்யவில்லை என்றும், அமலாபால் இருக்குமிடத்தை அவரே தெரிந்து கொண்டு நடனப்பயிற்சி செய்யும் இடத்துக்கு சென்றுள்ளதாகவும் கூறியுள்ளார். இதுகுறித்து காவல்துறை அதிகாரிகள் மேலும் விசாரணை செய்து வருகின்றனர்.