விஜய்சேதுபதியின் சிலையை திறந்து வைத்த பழம்பெரும் இயக்குனர்
- IndiaGlitz, [Monday,December 03 2018]
மக்கள் செல்வன் விஜய்சேதுபதி தமிழ் சினிமாவின் முன்னணி நடிகராக உருவெடுத்துள்ள நிலையில் அவர் நடித்த 25வது படமான 'சீதக்காதி' திரைப்படம் வரும் 20ஆம் தேதி வெளிவரவுள்ளது. இந்த படத்தின் புரமோஷன் கடந்த சில நாட்களாக விறுவிறுப்பாக நடந்து வருகிறது.
சீதக்காதி' திரைப்படத்தில் விஜய்சேதுபதி 'அய்யா ஆதிமூலம்' என்ற கேரக்டரில் தத்ரூபமாக நடித்துள்ளார். இந்த நிலையில் நேற்று சென்னையில் புகழ்பெற்ற மால் ஒன்றில் விஜய்சேதுபதி நடித்த 'அய்யா ஆதிமூலம்' சிலை திறக்கப்பட்டது. இந்த சிலையை பழம்பெரும் இயக்குனர் மகேந்திரன் திறந்து வைத்தார். இவர் இந்த படத்தில் நீதிபதி கேரக்டரில் நடித்துள்ளார் என்பது குறிப்பிடத்தக்கது.
நடுவுல கொஞ்சம் பக்கத்த காணோம்' இயக்குனர் பாலாஜி தரணிதரன் இயக்கியுள்ள இந்த படத்தில் விஜய்சேதுபதி, அர்ச்சனா, மகேந்திரன், மெளலி, பகவதி பெருமாள், ரம்யா நம்பீசன், காயத்ரி, பார்வதி நாயர் உள்ளிட்ட பலர் நடித்துள்ளனர். கோவிந்த் வசந்தா இசையில் உருவாகியுள்ள இந்த படத்தை 'பாஷன் ஸ்டுடியோஸ்' நிறுவனம் தயாரித்துள்ளது.