சிவகார்த்திகேயன் நடித்த ‘அயலான்’ மற்றும் வைபவ் நடித்த ’ஆலம்பனா’ ஆகிய இரண்டு திரைப்படங்களை வெளியிட தடை என சமீபத்தில் நீதிமன்றம் உத்தரவு பிறப்பித்தது. இந்த நிலையில் பொங்கல் ரிலீஸ் என அதிகாரப்பூர்வமாக அறிவிக்கப்பட்டு இருந்த ‘அயலான்’ திரைப்படம் திட்டமிட்டபடி ரிலீஸ் ஆகுமா? அதற்குள் இந்த படத்தின் பிரச்சனையை பேசி தீர்க்கப்படுமா என்ற குழப்பம் ரசிகர்கள் மத்தியில் இருந்தது.

இந்த நிலையில் சற்றுமுன் ‘அயலான்’ படத்தின் தயாரிப்பு நிறுவனமான கேஜேஆர் ஸ்டுடியோஸ் நிறுவனத்தின் சமூக வலைதள பக்கத்தில் ‘அயலான்’ படத்தின் இரண்டாவது சிங்கிள் பாடல் இன்னும் ஒரு சில நாட்களில் வெளியாகும் என்று அறிவிக்கப்பட்டுள்ளது.

அதுமட்டுமின்றி இந்த படம் பொங்கலுக்கு பிரம்மாண்டமாக ரிலீஸ் ஆகும் என்று உறுதி செய்துள்ளது. இந்த பதிவை அடுத்து ‘அயலான்’ படத்தின் பிரச்சினைகள் சுமூகமாக முடிக்கப்பட்டு நீதிமன்றத்தின் உத்தரவு பெற்று பொங்கல் தினத்தில் ‘அயலான்’ ரிலீஸ் செய்யப்படும் என்பதை உறுதி செய்யப்பட்டுள்ளது. இதனால் சிவகார்த்திகேயன் ரசிகர்கள் மகிழ்ச்சி அடைந்துள்ளனர்.

சிவகார்த்திகேயன், ரகுல் ப்ரித்திசிங், இஷா கோபிகர், யோகி பாபு, கருணாகரன், உள்ளிட்ட பலர் நடித்துள்ள இந்த படத்திற்கு ஆஸ்கர் நாயகன் ஏஆர் ரகுமான் இசையமைத்துள்ளார். கேஜேஆர் ஸ்டுடியோஸ் மற்றும் 24 ஏஎம் ஸ்டுடியோஸ் நிறுவனங்கள் இந்த படத்தை தயாரித்து வருகின்றன.

#Ayalaan 2nd single🎶 in a few days✨

Get ready for a grand Pongal release 👽🛸

— KJR Studios (@kjr_studios) December 17, 2023