கடைசி தடையும் நீங்கியது: மெர்சல் கொண்டாட்டம் ஆரம்பம்
- IndiaGlitz, [Monday,October 16 2017]
தளபதி விஜய் நடித்த 'மெர்சல்' திரைப்படம் டைட்டில் பிரச்சனை, கேளிக்கை வரி பிரச்சனை ஆகியவற்றை கடந்து வந்த நிலையில் கடைசியாக விலங்குகள் நல வாரியத்தின் தடையில்லா சான்றிதழ் பிரச்சனையையும் சந்தித்தது
இந்த பிரச்சனையும் இன்றுக்குள் சுமூகமாக தீர்ந்துவிடும் என்று தயாரிப்பு தரப்பும் விஜய் ரசிகர்களும் காத்திருந்த நிலையில் தீபாவளி இனிப்பு செய்தியாக சற்றுமுன்னர் மெர்சல் திரைப்படத்திற்கு விலங்குகள் நலவாரியம் தடையில்லா சான்று வழங்கியது. இதனையடுத்து கடைசி தடையும் நீங்கிவிட்டதால் விஜய் ரசிகர்கள் தீபாவளி மெர்சல் கொண்டாட்டத்தை ஆரம்பித்துவிட்டனர்.
மேலும் இன்னும் சில நிமிடங்களில் தமிழகத்தின் அனனத்து திரையரங்குகளிலும் முன்பதிவு தொடங்கப்படும் என்று எதிர்பார்க்கப்படுகிறது. பல தடைகளை கடந்து ரசிகர்கள் முன் நாளை மறுநாள் திரைக்கு வரவுள்ள 'மெர்சல்' படம் வெற்றி பெற வாழ்த்துக்கள்