மார்வல் சூப்பர் ஹீரோக்கள் திரைப்பிரவேசத்தின் பத்தாவது ஆண்டுக் கொண்டாட்டமாக நேற்று உலகம் வெளியாகியுள்ள அவெஞ்சர்ஸ்: இன்ஃபினிட்டி வார்’ என்ற ஹாலிவுட் திரைப்படம் தமிழகம் உள்பட இந்தியா முழுவதிலும் வெளியாகியுள்ளது. இந்த படத்திற்கு முதல் நாளிலேயே இந்தியா முழுவதும் அபாரமான வரவேற்பு கிடைத்துள்ளது என்பது இந்த படத்தின் முதல் நாள் இந்திய வசூலில் இருந்து தெரிய வந்துள்ளது.

இந்த படம் இந்தியாவில் முதல் நாளில் ரூ.40.13 கோடி வசூல் செய்துள்ளது. ஹாலிவுட் படம் ஒன்று இந்தியாவில் வசூல் செய்யும் அதிகபட்ச தொகை இதுதான் என்பது குறிப்பிடத்தக்கது.

இதுவரை வெளியான படங்களில் ஒரு ஹீரோ ஒரு வில்லன் அல்லது ஒரு ஹீரோ பல வில்லன் போன்ற படங்களைத்தான் பார்த்திருக்கின்றோம். ஆனால் இந்த படத்தில் முதல்முறையாக ஒரு வில்லன், 22 சூப்பர் ஹீரோக்கள் கொண்ட படமாக இந்த அவெஞ்சர்ஸ் இன்ஃபினிட்டி வார் திரைப்படம் உள்ளது. ரசிகர்களுக்கு விருந்தளித்துள்ள இந்த படத்தின் அடுத்த பாகம் அடுத்த ஆண்டு வெளிவரவுள்ளது என்பதும் குறிப்பிடத்தக்கது.