10 நாட்களில் அவெஞ்சர் தந்த ஆச்சரிய வசூல்
- IndiaGlitz, [Monday,May 07 2018]
சமீபத்தில் வெளியான 'அவெஞ்சர்ஸ் இன்ஃபினிட்டி வார்' திரைப்படம் உலகம் முழுவதும் சாதனை வசூல் புரிந்து வரும் நிலையில் இந்த படம் இந்தியாவில் மட்டும் ரூ.250 கோடி வசூல் செய்துள்ளதாகவும், தமிழகத்தில் மட்டும் ரூ.26 கோடிக்கும் மேல் வசூல் செய்துள்ளதாகவும் தகவல்கள் வெளிவந்துள்ளது.
தமிழகத்தில் கடந்த பத்து நாட்களில் இந்த படம் ரூ.26.35 கோடி வசூல் செய்துள்ளது. குறிப்பாக சென்னையில் ரூ.5.96 கோடியும், செங்கல்பட்டில் ரூ.11 கோடியும், கோவையில் ரூ.6.2 கோடியும் இந்த படம் வசூலித்துள்ளது.
தமிழ், தெலுங்கு, இந்தி உள்பட பல இந்திய மொழிகளில் மொழிபெயர்க்கப்பட்ட இந்த படம் 10 நாட்களில் இந்தியாவில் மட்டும் ரூ.250 கோடி வசூல் செய்து ஆச்சரியம் அளித்துள்ளது. மேலும் உலக அளவில் அதிக வசூல் செய்த திரைப்படங்களில் முதல் ஐந்து இடங்களில் ஒன்றாக இந்த படம் இணைந்துள்ளது என்பது குறிப்பிடத்தக்கது.