பிரபல ஹாலிவுட் இயக்குனர் ஜேம்ஸ் கேமரூன் இயக்கத்தில் உருவாகியுள்ள ’அவதார்’ படத்தின் இரண்டாம் பாகத்தின் டீசர் வெளியாகியுள்ளது. இந்த டீசர் மிகப்பெரிய வரவேற்பை பெற்றுள்ளது .

கடந்த 2009 ஆம் ஆண்டு வெளியான ’அவதார்’ படத்தின் முதல் பாகம் ஆயிரம் கோடி ரூபாய் செலவில் உருவாக்கப்பட்டது. இந்த படம் உலகம் முழுவதும் 19 ஆயிரத்து 210 கோடி வசூல் செய்தது என்பதும் இந்த படத்தின் வசூலை இன்னும் எந்த படமும் முறியடிக்க வில்லை என்பதும் குறிப்பிடத்தக்கது.

இந்த நிலையில் ’அவதார்’ படத்தின் இரண்டாம் பாகமான ’அவதார் தி வே ஆஃப் வாட்டர்’ என்ற திரைப்படம் தற்போது உருவாகியுள்ளது. 160 மொழிகளில் உலகம் முழுவதும் வரும் டிசம்பர் மாதம் 16ஆம் தேதி வெளியாக உள்ள இந்தப் படத்தின் வசூல் முதல் பாக வசூலை முறியடிக்கும் என எதிர்பார்க்கப்படுகிறது.

13 ஆண்டுகள் கழித்து ’அவதார்’ படத்தின் இரண்டாம் பாகம் வெளியாக இருப்பதை அடுத்து இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது. மேலும் இந்த படத்தின் மூன்றாம் பாகத்தை 2024 ஆம் ஆண்டு வெளியிட படக்குழு திட்டமிட்டுள்ளது என்பது குறிப்பிடத்தக்கது.