பிரபல ஹாலிவுட் இயக்குனர் ஜேம்ஸ் கேமரூன் இயக்கிய ’அவதார்’ திரைப்படம் கடந்த 2009 ஆம் ஆண்டு வெளியாகி மிகப்பெரிய வெற்றி பெற்றது என்பது அனைவரும் அறிந்ததே. இந்த படம் 237 மில்லியன் டாலர் பட்ஜெட்டில் எடுக்கப்பட்ட நிலையில் 2924 பில்லியன் டாலர் வசூல் ஆனது என்பதும் இந்த படத்தின் வசூலை இன்னும் எந்த படமும் முறியடிக்கவில்லை என்பது குறிப்பிடத்தக்கது.

இந்த நிலையில் 13 ஆண்டுகள் கழித்து தற்போது ’அவதார்’ படத்தின் அடுத்த பாகம் தயாராகி உள்ளது. இந்த படத்தின் ரிலீஸ் தேதி இந்த ஆண்டு டிசம்பர் 16 என சமீபத்தில் அறிவிக்கப்பட்டது என்பது குறிப்பிடத்தக்கது.

இந்த நிலையில் இந்த படத்தின் ரன்னிங் டைம் குறித்த தகவல் வெளியாகி ரசிகர்களை ஆச்சரியப்படுத்தி உள்ளது. இந்த படத்தின் ரன்னிங் டைம் 190 நிமிடங்கள் என்றும் அதாவது 3 மணி நேரம் 10 நிமிடங்கள் என்றும் கூறப்படுகிறது.

’அவதார்’ படத்தின் முதல் பாகத்தின் ரன்னிங் டைம் 161 நிமிடங்களே இருந்த நிலையில் இந்த படம் 190 நிமிடங்கள் என்பது ரசிகர்களுக்கு மிகப்பெரிய ஆச்சரியத்தை ஏற்படுத்தியுள்ளதோடு ரசிகர்களுக்கு செம விருந்து காத்திருக்கிறது என்பது உறுதியாகியுள்ளது.