'అష్టా చమ్మా' సినిమాతో తెలుగు తెరకు క‌థానాయ‌కులుగా పరిచయమయ్యారు నాని, అవసరాల శ్రీనివాస్. ఇద్దరూ ఒకేలా కష్టపడుతూ.. ఎవరికిష్టమైన వృత్తిలో వారు పేరుని సంపాదించుకుంటున్నారు. ఈ సినిమా తర్వాత నాని క్ర‌మంగా నేచురల్ స్టార్ స్థాయికి ఎదిగారు. అవసరాల కూడా క్యారెక్టర్ ఆర్టిస్టుగా విభిన్న పాత్ర‌ల‌ను చేస్తూనే.. డైరెక్టరుగా డిఫ‌రెంట్‌ చిత్రాలను తెరకెక్కిస్తున్నారు.

అయితే ఇప్పుడు ఈ దర్శకుడు తన స్నేహితుడైన నాని కోసం ఒక కథని సిద్ధం చేసారని తెలిసింది. ప్రస్తుతం నానికున్న ఇమేజ్‌ని దృష్టిలో పెట్టుకుని ఈ కథని సిద్ధం చేసారట. నాని నటిస్తున్న చిత్రాలు పూర్తికాగానే.. తన చిత్రాన్ని తెరకెక్కిస్తానని అవసరాల చెప్పుకొచ్చారు. అలాగే ఈ మూవీ నాని కెరీర్‌లో గుర్తుండిపోయే చిత్రంగా ఉంటుందని కూడా భరోసా ఇచ్చారు. అయితే ఇప్పటికే ఇద్దరూ కలిసి చాలా సినిమాలలో నటించారు.

తెరపై వీరిద్దరి మధ్య కెమిస్ట్రీ కూడా చాలా బాగుంటుంది. అంతేగాకుండా ప్రస్తుతం నాని నిర్మిస్తున్న 'అ' చిత్రంలో కూడా అవసరాల ఒక కీలక పాత్ర‌లో కనిపించనున్నారు. సో.. అన్నీ కుదిరితే అవసరాల దర్శకత్వంలో త్వ‌ర‌లోనే నాని న‌టించే అవ‌కాశ‌ముంద‌న్న‌మాట‌.