கடந்த 27ஆம் தேதி சென்னையை சேர்ந்த ஜெயதேவன் என்ற ஆடிட்டரின் குடும்பத்தினர் சென்ற கார் மாமல்லபுரம் அருகே சென்றபோது திடீரென தீப்பிடித்து எரிந்து காரில் இருந்த ஆடிட்டர் ஜெயதேவன், அவருடைய மனைவி ரமாதேவி மற்றும் மகள் திவ்யஸ்ரீ ஆகிய மூவரும் பலியாகினர். இந்த சம்பவம் குறித்து போலீசார் இது விபத்தா? அல்லது கொலையா? என்ற ரீதியில் விசாரணை செய்து வந்தனர்.

இந்த நிலையில் இந்த சம்பவம் குடும்பத்தோடு செய்த தற்கொலையாக இருக்குமோ என்ற சந்தேகம் தற்போது போலிசாருக்கு எழுந்துள்ளது. ஜெயதேவனின் மகள் திவ்யஸ்ரீக்கும் ராணுவ வீரர் சரத் என்பவருக்கும் கடந்த டிசம்பர் மாதம் திருமணம் நடந்தது. ஆனால் திடீரென இருவருக்கும் இடையே கருத்துவேறுபாடு ஏற்பட்டதால் திவ்யஸ்ரீ, தாய் வீட்டுக்கு வந்துவிட்டார். இதனால் மன உளைச்சலில் இருந்த ஜெயதேவன் குடும்பத்தினர் குடும்பத்தோடு தற்கொலை செய்திருக்கலாம் என்ற சந்தேகம் போலீசாருக்கு எழுந்துள்ளது.

மேலும் திவ்யஸ்ரீயின் கணவர் சரத்தை போலீசார் விசாரணை செய்தபோது அவர் திடுக்கிடும் பல தகவல்களை கூறியதாகவும், அதன் பின்னரே போலீசார் இந்த முடிவுக்கு வந்துள்ளதாகவும் கூறப்படுகிறது. இதனால் ஜெயதேவன் உறவினர்களிடையே பெரும் பரபரப்பு ஏற்பட்டுள்ளது.