ఈ నెల మహేష్ కి వెరీ వెరీ స్పెషల్..!
- IndiaGlitz, [Tuesday,August 02 2016]
సూప‌ర్ స్టార్ మహేష్...మురుగుదాస్ ద‌ర్శ‌క‌త్వంలో న‌టిస్తున్న చిత్రం హైద‌రాబాద్ లో షూటింగ్ జ‌రుపుకుంటుంది. ప్ర‌స్తుతం మహేష్ పై కీల‌క స‌న్నివేశాల‌ను చిత్రీక‌రిస్తున్నారు.
ఇదిలా ఉంటే...ఈ ఆగ‌ష్టు నెల సూప‌ర్ స్టార్ మహేష్ కి వెరీ స్పెషల్. ఎందుకంటే...గ‌త సంవ‌త్స‌రం ఆగ‌ష్టు 7న శ్రీమంతుడు చిత్రం రిలీజైంది. అంటే బ్లాక్ బ‌ష్ట‌ర్ శ్రీమంతుడు రిలీజై ఈనెల 7కి సంవ‌త్స‌రం పూర్త‌వుతుంది. ఇక ఈ నెల 9 ప్ర‌త్యేకత గురించి ప్ర‌త్యేకించి చెప్ప‌న‌వ‌సం లేదు ఎందుకంటే మహేష్ బాబు పుట్టిన‌రోజు...అభిమానుల‌కు పండ‌గ రోజు. మహేష్ కెరీర్ లో మ‌ర‌చిపోలేని చిత్రంగా నిలిచిన చిత్రం అత‌డు. ఈ చిత్రం రిలీజై ఈనెల 10కి 11 సంవ‌త్స‌రాలు అవుతుండ‌డం విశేషం. ఆగ‌ష్టు 18కి అర్జున్ సినిమా రిలీజై 12 సంవ‌త్స‌రాలు పూర్త‌వుతుంది. ఇక ఆగ‌ష్టు 31 మహేష్ బాబు వార‌సుడు గౌత‌మ్ పుట్టిన‌రోజు. ఈ విధంగా ఈ నెల మహేష్ కి వెరీ వెరీ స్పెషల్..!