கடந்த முறை பிக்பாஸ் நிகழ்ச்சி தொடங்கும்போது பார்வையாளர்களுக்கு எந்தவித எதிர்பார்ப்பும் இல்லை. ஏனெனில் பிக்பாஸ் என்பது தமிழ் ரசிகர்களுக்கு புதிய நிகழ்ச்சி. சில வாரங்கள் கடந்த பின்னர் ஓவியா, ஜூலி, காயத்ரி, சக்தி ஆகியோர்களின் நிஜ குணங்கள் வெளிப்பட்ட பின்னர் நிகழ்ச்சி விறுவிறுப்பானது. ஓவியாவை கார்னர் செய்ய ஒரு குரூப் முயற்சி செய்ததும், அவர்களுக்கு ஓவியா கொடுத்த பதிலடியும் பார்வையாளர்களை கவர்ந்தது. ஆனால் ஓவியா வெளியேறிய பின்னர் சேனல் நிர்வாகம் என்னென்னவோ செய்து பார்த்தும் நிகழ்ச்சியின் விறுவிறுப்பு அதிகரிக்கவில்லை

இந்த நிலையில் தற்போது பிக்பாஸ் 2 தொடங்கியுள்ளது. ஆனால் ஒருசில போட்டியாளர்களை தவிர மற்றவர்கள் பார்வையாளர்களை கவரவில்லை என்பதே சமூக வலைத்தளங்களில் பதிவாகி வரும் கருத்துக்களில் இருந்து தெரியவந்துள்ளது. யாஷிகா, ஜனனி மற்றும் மும்தாஜ் மட்டும் பார்வையாளர்களுக்கு எண்டர்டெயின்மெண்ட் கொடுக்க வாய்ப்பு உள்ளது. காமெடிக்கு செண்ட்ராயன், டேனி ஆகியோர்கள் இருப்பதாக வைத்து கொண்டாலும் மற்றவர்களிடம் பெரிய எதிர்பார்பு இல்லை

குறிப்பாக அனந்த் இந்த நிகழ்ச்சிக்கு செட் ஆக மாட்டார் என்றே பலரும் கருத்து தெரிவித்து வருகின்றனர். அதேபோல் பொன்னம்பலம் உள்பட மற்றவர்களின் ரியாக்சன் எப்படி உள்ளது என்பதை போக போகத்தான் பார்க்க வேண்டும்.