సింగ‌ర్‌, బిగ్‌బాస్ 3 విన్న‌ర్ రాహుల్ సిప్లిగంజ్‌పై బుధ‌వారం రాత్రి దాడి జ‌రిగింది. హైద‌రాబాద్‌లోని ఓ ప‌బ్బులో ఈ ఘ‌ట‌న చోటు చేసుకుంది. గ‌చ్చిబౌలిలో ఓ ప‌బ్‌కు వెళ్ల‌గా..రాహుల్ వెంట వ‌చ్చిన అమ్మాయితో ప‌బ్‌లోని కొంద‌రు యువ‌కులు అస‌భ్యంగా ప్ర‌వ‌ర్తించారు. రాహుల్ వారిని నిల‌దీయ‌డంతో మాటామాట పెరిగి గొడ‌వ పెద్ద‌దైంది. యువ‌కులు రాహుల్ త‌ల‌పై బీరు బాటిల్స్‌తో కొట్టారు. దీంతో రాహుల్‌కు తీవ్ర ర‌క్త‌స్రావ‌మైంది. ద‌గ్గ‌ర‌లోని కాంటినెంటిల్ హాస్పిట‌ల్‌కు రాహుల్‌ను త‌ర‌లించారు. ఘ‌ట‌నాస్థ‌లానికి చేరుకున్న పోలీసులు కేసును ద‌ర్యాప్తు చేసి.. దాడికి పాల్ప‌డ్డ వికారాబాద్ ఎమ్మెల్యే రోహిత్ రెడ్డి బంధువుగా పోలీసులు తేల్చారు.

సింగ‌ర్‌గా క్రేజ్ సంపాదించుకున్న రాహుల్ బిగ్‌బాస్ 3లో పాల్గొన్నారు. ఆ షోలో రాహుల్ విజేత‌గా నిలిచి యాబై ల‌క్ష‌ల రూపాయ‌ల ప్రైజ్ మనీని సొంతం చేసుకున్నారు. బిగ్‌బాస్ 3 త‌ర్వాత రాహుల్ క్రేజ్ మ‌రింత పెరిగింది. ఇప్పుడు సింగ‌ర్‌గానే కాకుండా న‌టుడిగా కూడా చేస్తున్నారు. కృష్ణ వంశీ ద‌ర్శ‌క‌త్వంలో తెర‌కెక్కుతోన్న రంగ‌మార్తాండ చిత్రంలో కీల‌క పాత్ర‌లో న‌టిస్తున్నాడు. మ‌రి న‌టుడిగా రాహుల్ ఎలా మెపిస్తాడో తెలియాలంటే మ‌రికొన్ని రోజులు వెయిట్ చేయాల్సిందే.