இதுவரை ஏடிஎம் மிஷினை உடைத்து அதிலுள்ள பணத்தை மட்டுமே திருடர்கள் கொள்ளையடித்து சென்ற நிலையில் தற்போது ஏடிஎம் மிஷினையே தூக்கி சென்றுள்ள சம்பவம் உத்தரபிரதேச மாநிலத்தில் நிகழ்ந்துள்ளது

உத்தரப்பிரதேச மாநிலத்தில் உள்ள குலிபூர் என்ற பகுதியில் வைக்கப்பட்டிருந்த பேங்க் ஆப் பரோடா வங்கியின் ஏடிஎம் மிஷின் திடீரென இரவோடு இரவாக காணாமல் போய்விட்டது. அதில் சுமார் 12 லட்சம் ரூபாய் இருந்ததாக வங்கி மேனேஜர் கூறியுள்ளார்

இந்த நிலையில் காலியாக இருந்த ஏடிஎம் மிஷின் சுமார் 3 கிலோ மீட்டருக்கு அருகில் மீட்கப்பட்டதாகவும் கொள்ளையர்கள் அதில் உள்ள பணத்தை எடுத்து விட்டு வெறும் மிஷினை சாலையின் அருகே போட்டு விட்டு சென்றுள்ளது கூறப்படுகிறது.

இதுகுறித்து வங்கி மேனேஜர் அரவிந்த் குன்வார் என்பவரின் புகாரின் அடிப்படையில் வழக்குப்பதிவு செய்துள்ள போலீசார், கொள்ளையர்களை பிடிக்க தீவிரமாக வலை விரித்துள்ளனர்