'தளபதி 68' படத்தின் கதை இதுதான்: ரசிகர்களை வியப்பில் ஆழ்த்திய அட்லி!
- IndiaGlitz, [Wednesday,May 25 2022]
தளபதி விஜய் நடிக்க இருக்கும் 68வது திரைப்படத்தை அட்லி இயக்க இருப்பதாக கூறப்படும் நிலையில் இந்த படத்தின் கதை குறித்த தகவலை இயக்குனர் அட்லி தெரிவித்துள்ளதால் ரசிகர்கள் பெரும் வியப்பில் ஆழ்ந்துள்ளனர்.
அட்லி இயக்கத்தில் விஜய் நடிப்பில் உருவான ’பிகில்’ திரைப்படம் மிகப் பெரிய வெற்றி பெற்றது என்பதும் குறிப்பாக இந்த படத்தில் சில நிமிடங்களே வந்தாலும் ராயப்பன் கேரக்டர் விஜய்யின் வித்தியாசமான நடிப்பில் அமைந்திருக்கும் என்பதும் தெரிந்ததே.
இந்த நிலையில் சமீபத்தில் டுவிட்டரில் ’பிகில்’ படத்தின் ராயப்பனின் முழு கதையும் சொல்லலாமே? என்று எழுப்பப்பட்ட கேள்விக்கு பதில் அளித்துள்ள அட்லி, ‘செஞ்சிட்டா போச்சு’ என்று குறிப்பிட்டுள்ளார். இதனை அடுத்து அட்லீ இயக்கத்தில் தளபதி விஜய் நடிப்பில் உருவாகயிருக்கும் ’தளபதி 68’ திரைப்படம் ’பிகில்’ திரைப்படத்தின் முந்தைய பாகமாக இருக்கலாம் என்றும் அதில் ராயப்பனின் இளவயது சம்பவங்கள் கொண்ட கதையாக இருக்கலாம் என்றும் கூறப்படுகிறது.
ஷாருக்கான் நடித்து வரும் ’லயன்’ என்ற திரைப்படத்தை இயக்கி வரும் அட்லி இந்த படத்தை முடித்தவுடன் ’தளபதி 68’ படத்திற்கான திரைக்கதை அமைக்கும் பணியை தொடங்குவார் என்று எதிர்பார்க்கப்படுகிறது.
இந்த நிலையில் தளபதி விஜய் நடித்து வரும் 66வது படத்தின் படப்பிடிப்பு விறுவிறுப்பாக நடைபெற்று வரும் நிலையில் ’தளபதி 67’ படத்தை இயக்குனர் லோகேஷ் கனகராஜ் இயக்க உள்ளார் என்பது குறிப்பிடத்தக்கது.