அட்லி-கார்த்தி இணைப்பு குறித்த முக்கிய தகவல்
- IndiaGlitz, [Friday,May 27 2016]
அட்லியின் முதல் படத்தில் ஆர்யாவும், இரண்டாவது படத்தில் இளையதளபதி விஜய்யும் நடித்தனர். இந்த இரண்டு படங்களுமே நல்ல வெற்றி பெற்றதால் அட்லியின் மூன்றாவது பட ஹீரோ யார் என்பதை அறிய கோலிவுட் திரையுலகம் மிகுந்த ஆர்வம் காட்டியது.
இந்நிலையில் அட்லியின் அடுத்த படத்தில் கார்த்தி நாயகனாக நடிக்கவுள்ளதாக செய்திகள் வெளிவந்தன. ஆனால் இந்த செய்தியை அட்லி தரப்பு மறுத்துள்ளது. அட்லி தற்போது அடுத்த பட ஸ்கிரிப்ட் எழுதுவதில் பிசியாக உள்ளதாகவும், ஸ்கிரிப்ட் முழுமையாக முடிந்த பின்னரே அந்த படத்தின் நாயகன் முடிவு செய்யப்படவுள்ளதாக கூறப்படுகிறது.
கார்த்தி உள்பட இதுவரை எந்த ஹீரோவையும் அட்லி முடிவு செய்யவில்லை என்றும், ஆனால் விரைவில் தனது அடுத்த பட ஹீரோவை அவர் அதிகாரபூர்வமாக அறிவிப்பார் என்றும் கூறப்படுகிறது.