அம்பானி குடும்பத்திற்காக அமிதாப்பச்சன் மற்றும் அட்லி இணைந்த பத்து நிமிட குறும்படம் ஒன்று ஒளிபரப்பான நிலையில் அந்த குறும்படம் அனைவரையும் அசத்தியதாக தகவல் வெளியாகி உள்ளன.

பிரபல தொழிலதிபர் முகேஷ் அம்பானியின் மகன் ஆனந்த் அம்பானி சமீபத்தில் ராதிகா மெர்சன்ட் என்பவரை திருமணம் செய்த நிலையில் மூன்று நாட்கள் மும்பையில் பிரம்மாண்டமாக இந்த திருமணம் நடந்தது.

இந்த திருமணத்தில் சூப்பர் ஸ்டார் ரஜினிகாந்த், அட்லி, ஏஆர் ரகுமான், நயன்தாரா உள்ளிட்ட பல தமிழ் திரை உலக பிரபலங்கள் கலந்து கொண்டார்கள் என்பதும் இந்திய திரையுலகில் உள்ள முன்னணி நட்சத்திரங்கள் கலந்து கொண்டார்கள் என்பதும் தெரிந்தது.

இந்த நிலையில் இந்த திருமண நிகழ்ச்சியில் அட்லி இயக்கிய பத்து நிமிட அனிமேஷன் திரைப்படம் ஒன்று ஒளிபரப்பானதாகவும் இதில் அமிதாப்பச்சன் வாய்ஸ் ஓவர் கொடுத்துள்ளதாகவும் தகவல் வெளியாகியுள்ளது. இந்த அனிமேஷன் திரைப்படம் தொழிலதிபர் முகேஷ் அம்பானியின் குடும்பத்தை பற்றியது என்றும் இந்த திரைப்படம் அனைவரையும் கவர்ந்ததாகவும் கூறப்படுகிறது.

பாலிவுட் திரையுலகில் பல பிரபல இயக்குனர்கள் இருக்கும் நிலையில் முகேஷ் அம்பானி குடும்பத்தினர் குறித்த அனிமேஷன் படத்தை இயக்கும் வாய்ப்பு அட்லிக்கு கிடைத்ததை அனைவரும் ஆச்சரியமாக பார்த்து வருகின்றனர்.