பிரபல இயக்குனர்கள் மிஷ்கின், சுசீந்திரன் மற்றும் விக்ராந்த் ஆகியோர் முக்கிய வேடத்தில் நடிக்கவுள்ள புதிய திரைப்படம் 'சுட்டுப்பிடிக்க உத்தரவு' என்ற அறிவிப்பு கடந்த சில நாட்களுக்கு முன் வெளிவந்தது. கல்பத்ரு பிக்சர்ஸ் நிறுவனம் தயாரிக்கவுள்ள இந்த படத்தின் ஆரம்பகட்ட பணிகள் விறுவிறுப்பாக நடைபெற்று வருகிறது.

இந்த நிலையில் இந்த படத்தின் நாயகி குறித்த தகவலை படக்குழுவினர் அறிவித்துள்ளனர். இந்த படத்தில் அதுல்யா நாயகியாக நடிக்க ஒப்பந்தமாகியுள்ளார். இவர் ஏற்கனவே சமீபத்தில் வெளிவந்த 'காதல் கண்கட்டுதே' படத்தில் நடித்தவர், மேலும் தற்போது உருவாகி வரும் சமுத்திரக்கனியின் ஏமாலி' என்ற படத்திலும் நடித்து வருகிறார்

வரும் ஜனவரியில் படப்பிடிப்பு தொடங்கவுள்ள இந்த படம் ஒரு க்ரைம் கதையம்சம் கொண்டது என்பதும் திகில் படமாக அமையவுள்ள இந்த படத்தில் சுசீந்திரன் செக்யூரிட்டியாகவும் மிஷ்கின் போலீஸ் அதிகாரியாக மிஸ்கின் நடிக்கவுள்ளனர் என்பது குறிப்பிடத்தக்கது.