'ஈட்டி' வெற்றியை தொடர்ந்து அதர்வா முரளி நடித்த 'கணிதன்' திரைப்படம் கடந்த வெள்ளியன்று ரிலீஸ் ஆகி ஊடகங்கள் மற்றும் ரசிகர்களின் பாசிட்டிவ் விமர்சனங்களை பெற்று வெற்றிகரமாக திரையரங்குகளில் ஓடி வருகின்றது. தமிழக அரசின் வரிவிலக்கு, பாசிட்டிவ் ரிசல்ட் ஆகியவை காரணமாக எதிர்பார்த்த வசூலை விட அதிகமாக பெற்றுக்கொண்டிருக்கும் 'கணிதன்' படத்திற்கு தற்போது மேலும் ஒரு பெருமை கிடைத்துள்ளது.

கலைப்புலி எஸ்.தாணு தயாரித்துள்ள இந்த படம் தெலுங்கு மற்றும் இந்தி ஆகிய இரண்டு மொழிகளில் ரீமேக் ஆகவுள்ளதாகவும், தமிழில் அதர்வா நடித்த கேரக்டரில் தெலுங்கில் அல்லு அர்ஜூன் நடிக்கவுள்ளதாகவும், கேதரின் தெரசா கேரக்டரை தெலுங்கிலும் அவரே நடிக்கவுள்ளதாகவும் நம்பத்தகுந்த வட்டாரங்களில் இருந்து செய்திகள் வெளிவந்துள்ளது.

அதேபோல் இந்தியில் அதர்வா கேரக்டரில் அர்ஜூன்கபூர் நடிக்கவுள்ளதாகவும் இந்த படத்தின் நாயகி கேரக்டருக்கு முக்கிய பாலிவுட் நடிகை ஒருவரிடம் பேச்சுவார்த்தை நடந்து வருவதாகவும் செய்திகள் வெளிவந்து கொண்டிருக்கின்றது. 'கணிதன்' திரைப்படம் தெலுங்கு மற்றும் இந்தியில் ரீமேக் செய்யப்படவுள்ளதாக வெளிவந்திருக்கும் செய்தியே இந்த படத்தின் வெற்றியை உறுதி செய்துள்ளது என்பது குறிப்பிடத்தக்கது.