முதல்முறையாக அதர்வாவுடன் இணையும் பிரபல நடிகர்
- IndiaGlitz, [Monday,February 11 2019]
அதர்வா நடிப்பில் இயக்குனர் கண்ணன் இயக்கிய 'பூமராங்' திரைப்படம் வரும் மார்ச் 1ஆம் தேதி வெளியாகவுள்ள நிலையில் மீண்டும் இயக்குனர் கண்ணன் இயக்கத்தில் அதர்வா ஒரு படத்தில் நடிக்கவுள்ளார் என்பதை ஏற்கனவே பார்த்தோம்
இந்த நிலையில் இந்த படத்தில் சமுத்திரக்கனி முக்கிய வேடத்தில் நடிக்கவுள்ளார். அதர்வா, சமுத்திரக்கனி முதல்முறையாக இணையும் படம் இதுதான் என்றும், இருவரின் கேரக்டர்களுக்கும் இந்த படத்தில் முக்கியத்துவம் இருக்கும் என்றும் இயக்குனர் கண்ணன் தெரிவித்துள்ளார்.
ரொமண்டிக் ஆக்சன் படமாக உருவாகவுள்ள இந்த படத்தின் பூஜை இன்று சென்னையில் நடைபெற்றது. இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் வரும் ஏப்ரல் முதல் இந்த படத்தின் படப்பிடிப்பு தொடங்கும் என்றும் படக்குழுவினர் தெரிவித்துள்ளனர்.