நடிகர் அதர்வா நடிப்பில் உருவாகியுள்ள 'செம போத ஆகாதே' திரைப்படம் வரும் ஜூன் 14ஆம் தேதி வெளியாகவுள்ள நிலையில் அதர்வா தற்போது நயன்தாராவுடன்  'இமைக்கா நொடிகள்' என்ற படம் உள்பட ஒருசில படங்களில் நடித்து வருகிறார். இந்த நிலையில் சமீபத்தில் 'டார்லிங்' இயக்குனர் சாம் ஆண்டன் இயக்கும் அடுத்த படத்தில் நடிக்க ஒப்பந்தமானார்.

முதன்முறையாக போலீஸ் வேடத்தில் அதர்வா நடிக்கும் இந்த படத்தின் டைட்டிலுடன் கூடிய ஃபர்ஸ்ட்லுக் போஸ்டர் தற்போது வெளியாகியுள்ளது. இந்த படத்திற்கு '100' என்ற டைட்டில் வைக்கப்பட்டுள்ளது.

சாம் சிஎஸ் இசையில் கிருஷ்ணன் வசந்த் ஒளிப்பதிவில் ரூபன் படத்தொகுப்பில் உருவாகும் இந்த படத்தை ஆரோ சினிமாஸ் நிறுவனம் தயாரிக்கவுள்ளது. இந்த படத்தில் அதர்வா சத்யா என்ற போலீஸ் கேரக்டரில் நடிக்கவுள்ளார் என்பது ஃபர்ஸ்ட்லுக் போஸ்டரில் இருந்து தெரியவந்துள்ளது.