கோலிவுட் திரையுலகின் வேலைநிறுத்தம் முடிவுக்கு வந்த பின்னர் தயாரிப்பாளர் சங்கத்தின் திரைப்பட வெளியீட்டு குழுவின் ஆலோசனையின்படி ஒவ்வொரு வாரமும் மூன்று திரைப்படங்கள் வெளியாக அனுமதிக்கப்பட்டு வருகின்றது.

இந்த நிலையில் வரும் வாரம் அதாவது மே 11ஆம் தேதி விஷாலின் 'இரும்புத்திரை', அருள்நிதியின் 'இரவுக்கு ஆயிரம் கண்கள்' மற்றும் கீர்த்திசுரேஷின் 'நடிகையர் திலகம்' ஆகிய படங்கள் வெளியாகவுள்ளது.

இந்த நிலையில் அடுத்த வாரம் அதாவது மே 18ஆம் தேதி ஏற்கனவே விஜய் ஆண்டனியின் 'காளி' மற்றும் விஜய் மில்டனின் 'கோலி சோடா 2' ஆகிய படங்கள் வெளியாகும் என்று அறிவிக்கப்பட்டுள்ள நிலையில் தற்போது இந்த தேதியில் அதர்வாவின் 'செம போத ஆகாதே' படமும் இணைந்துள்ளது. ஆம், இந்த படம் மே 18ஆம் தேதி வெளியாவது உறுதி செய்யப்பட்டுள்ளது.

அதர்வா, மிஷ்தி, அர்ஜெய், விரோஷன், அனைகா சோட்டி, ஜான் விஜய், கருணாகரன், எம்.எஸ்.பாஸ்கர், மனோபாலா உள்ளிட்ட பலர் நடித்துள்ள இந்த படத்தை பத்ரி வெங்கடேஷ் இயக்கியுள்ளார். இவர்தான் அதர்வா அறிமுகமான 'பாணா காத்தாடி' படத்தை இயக்கியவர் என்பது குறிப்பிடத்தக்கது. கோபி அமர்நாத் ஒளிப்பதிவில், பிரவீண் கே.எல் படத்தொகுப்பில் உருவாகியுள்ள இந்த படத்தை அதர்வே தயாரித்துள்ளார் என்பது குறிப்பிடத்தக்கது.