வரும் கிறிஸ்துமஸ் திருநாள் விடுமுறை தினத்தில் ஏற்கனவே 'மாரி 2', 'சீதக்காதி' உள்பட ஒருசில திரைப்படங்கள் ரிலீஸ் ஆகும் என அறிவிக்கப்பட்டுள்ள நிலையில் தற்போது இந்த பட்டியலில் இன்னொரு படமும் இணைந்துள்ளது.

வரும் டிசம்பர் 20 மற்றும் 21ஆகிய தேதிகளில் தனுஷின் 'மாரி', விஜய்சேதுபதியின் 'சீதக்காதி', ஜெயம் ரவியின் 'அடங்கமறு' மற்றும் விஷ்ணு விஷாலின் 'சிலுக்குவார்பட்டி சிங்கம்' ஆகிய திரைப்படங்கள் வெளியாகவுள்ளதாக அறிவிக்கப்பட்டுள்ளது. மேலும் சிவகார்த்திகேயனின் 'கனா' திரைப்படமும் அதே தினத்தில் வெளியாக வாய்ப்பு உள்ளது.

இந்த நிலையில் இந்த பட்டியலில் தற்போது அதர்வாவின் 'பூமராங்' திரைப்படமும் இணைந்துள்ளது. சற்றுமுன் வெளியான புதிய போஸ்டரில் இந்த படம் டிசம்பர் 21ல் ரிலீஸ் என்று அறிவிக்கப்பட்டுள்ளது. இந்த படம் ஏற்கனவே சென்சாருக்கு சென்று 'யூ' சான்றிதழ் பெற்று ரிலீசுக்கு தயாராக இருக்கின்றது என்பது குறிப்பிடத்தக்கது.

அதர்வா, மேகா ஆகாஷ், இந்துஜா, உபன் பட்டேல், சதீஷ், ஆர்ஜே பாலாஜி, சுஹாசினி உள்பட பலர் நடித்துள்ள இந்த படத்தை ஆர்.கண்ணன் இயக்கியுள்ளார். ராதான் இசையில் பிரச்சன்னகுமார் ஒளிப்பதிவில் செல்வா படத்தொகுப்பில் இந்த படம் உருவாகியுள்ளது.