நயன்தாராவின் அடுத்த பட டைட்டில் அறிவிப்பு
- IndiaGlitz, [Thursday,September 01 2016]
கோலிவுட் திரையுலகின் லேடி சூப்பர் ஸ்டார் நயன்தாரா, சீயான் விக்ரமுடன் நடித்த 'இருமுகன்' செப்டம்பர் 8ஆம் தேதியும், கார்த்தியுடன் நடித்த 'காஷ்மோரா' தீபாவளி தினத்திலும் வெளியாகவுள்ளது. இந்நிலையில் அவர் தற்போது 'டோரா' என்ற படத்தில் நடித்து வருகிறார். மேலும் ஆர்யாவுடன் ஒரு படத்திலும் அவர் நடிக்கவுள்ளதாக கூறப்படுகிறது.
இந்நிலையில் இளையதலைமுறை நடிகர்களில் ஒருவராகிய அதர்வாவுடன் ஒரு படத்தில் நடிக்க அவர் ஒப்புக்கொண்டுள்ளார். இந்த படத்திற்கு 'இமைக்கா நொடிகள்' என்ற டைட்டில் வைக்கப்பட்டுள்ளது.
கேமியோ பிலிம்ஸ் இந்தியா நிறுவனம் தயாரிக்கும் இந்த படத்தை அஜய் ஞானமுத்து இயக்கவுள்ளார். இவர் ஏற்கனவே அருள்நிதி நடித்த 'டிமாண்டி காலனி' படத்தை இயக்கியவர் என்பது குறிப்பிடத்தக்கது.