ஒரு திரைப்படம் தமிழில் இருந்து தெலுங்கு மொழியில் ரீமேக் செய்யப்பட்டால் அந்த படத்தில் பிரபல தெலுங்கு நடிகர் நடிப்பதே வழக்கமாக இருந்து வருகிறது. இந்த நிலையில் தமிழில் சூப்பர்ஹிட்டான 'ஜிகர்தண்டா' திரைப்படத்தின் தெலுங்கு ரீமேக்கில் ஒரு தமிழ் நடிகர் நடிக்கவுள்ளார்.

கார்த்திக் சுப்புராஜ் இயக்கத்தில் சித்தார்த், பாபிசிம்ஹா நடிப்பில் உருவான 'ஜிகர்தண்டா' படத்தின் தெலுங்கு ரீமேக்கில் பாபிசிம்ஹா வேடத்தில் நடிக்க வருண்தேஜ் ஒப்பந்தமாகியுள்ளார். இந்த நிலையில் சித்தார்த் கேரக்டரில் நடிக்க தமிழ் நடிகர் அதர்வா தேர்வு செய்யப்பட்டுள்ளார். இந்த படத்தின் மூலம் அதர்வா தெலுங்கு திரையுலகில் காலடி வைக்கவுள்ளார் என்பது குறிப்பிடத்தக்கது

ஹரிஷ் ஷங்கர் இயக்கவுள்ள இந்த படத்திற்கு தேவிஸ்ரீ பிரசாத் இசையமைக்கவுள்ளார். இந்த படத்தை பிரபல தெலுங்கு பட தயாரிப்பு நிறுவனம் 14 ரீல்ஸ் நிறுவனம் தயாரிக்கவுள்ளது. இந்த படத்தின் படப்பிடிப்பு வரும் ஏப்ரல் மாதம் தொடங்கவுள்ளது