యమా స్పీడుగా
- IndiaGlitz, [Monday,April 08 2019]
హీరో సూర్య స్పీడు ఏ మాత్రం తగ్గడం లేదు. వరుస సినిమాలను సెట్స్‌లోకి తీసుకెళుతున్నాడు. తన 38వ సినిమా షూటింగ్‌ను లాంఛనంగా ప్రారంభించడమే కాదు.. షూటింగ్‌లో కూడా పాల్గొంటున్నాడు. 'గురు' ఫేమ్‌ సుధా కొంగర దర్శకత్వంలో ఎయిర్‌ డెక్కన్‌ అధినేత కెప్టెన్‌ గోపీనాథ్‌ బయోపిక్‌ను సినిమాగా చేస్తున్నారు. 'సర్వంతాళమయం' హీరోయిన్‌ ఆపర్ణ బాలమురళిఈ సినిమాలో హీరోయిన్‌గా నటిస్తున్నారు.
ఈ ఏడాది మే 31న 'ఎన్‌.జి.కె' సినిమా విడుదల కానుండే సంగతి తెలిసిందే. ప్రస్తుతం ఈ సినిమా పోస్ట్‌ ప్రొడక్షన్‌ కార్యక్రమాలు శరవేగంగా జరుగుతున్నాయి. మరోవైపు కె.వి.ఆనంద్‌ దర్శకత్వంలో 'కాప్పాన్‌' సినిమా షూటింగ్‌ను పూర్తి చేస్తున్నాడు. ఈ చిత్రం ఆగస్ట్‌ 31న విడుదలవుతుంది.