அஸ்வின் பரிந்துரை செய்த திரைப்படமும், நன்றி கூறிய பிரபல நடிகரும்..
- IndiaGlitz, [Tuesday,February 23 2021]
மோகன்லால், மீனா நடிப்பில் கடந்த வெள்ளியன்று ஓடிடியில் வெளியான ’த்ரிஷ்யம் 2’ திரைப்படம் மிகப் பெரிய வெற்றி பெற்றது என்பதும் இந்த படமும் முதல் பாகத்தைப் போலவே தமிழ் உள்பட பல மொழிகளில் ரீமேக் செய்ய ஏற்பாடுகள் நடந்து வருகிறது என்பதும் குறிப்பிடத்தக்கது
இந்த நிலையில் ’த்ரிஷ்யம் 2’ படத்தை பல பிரபலங்கள் பார்த்து தங்களது கருத்துக்களை டுவிட்டர், இன்ஸ்டாகிராம் உள்ளிட்ட சமூக வலைத்தளங்களில் தெரிவித்து வருகின்றனர். அந்த வகையில் தமிழகத்தைச் சேர்ந்த இந்திய கிரிக்கெட் அணியின் முன்னணி வீரர்களில் ஒருவரான அஸ்வின், ’த்ரிஷ்யம் 2படத்தை பார்த்து தனது டுவிட்டரில் பதிவு செய்துள்ளார்
’த்ரிஷ்யம் 2 படத்தில் ஜார்ஜ் குட்டி என்ற வேடத்தில் நடித்துள்ள மோகன்லால் நீதிமன்றத்தில் கிளைமாக்ஸில் செய்த டுவிஸ்ட்டை பார்த்து நான் உண்மையிலேயே சத்தமாக சிரித்து விட்டேன். இந்த அனுபவத்தை எல்லோரும் பெறுவதற்காக உடனடியாக ’த்ரிஷ்யம்’ படத்தை பார்த்து விட்டு ’த்ரிஷ்யம் 2 படத்தையும் பாருங்கள் என்று பரிந்துரை செய்துள்ளார்
இதனை அடுத்து மோகன்லால் தனது டுவிட்டரில் அஸ்வினுக்கு நன்றி தெரிவித்துள்ளார். தங்களது பிசியான ஷெட்யூலிலும், எனது ’த்ரிஷ்யம் 2 படத்தை பார்த்து அது குறித்த கருத்து தெரிவித்ததற்கு மிகவும் நன்றி. நீங்கள் உங்களது விளையாட்டு துறையில் மிகப்பெரிய சாதனை படைக்க வாழ்த்துக்கள்’ என்று தெரிவித்துள்ளார். அஸ்வின் மற்றும் மோகன்லாலின் இந்த ட்வீட்டுகள் தற்போது வைரல் ஆகி வருகின்றன.
I laughed out loud when George Kutty @Mohanlal created that twist in the court #Drishyam2 . If you guys dint, please start all over again from #Drishyam1. Fabulous!! Just fabulous????????
— Ashwin ???? (@ashwinravi99) February 21, 2021
Lalettan ???? https://t.co/Y9CBU4SZKo
— Ashwin ???? (@ashwinravi99) February 23, 2021